Dy avionët “Canadair” të ardhur nga Greqia kanë nisur misionin e tyre për shuarjen e zjarrit në malin e Çikës në Vlorë.
Kujtojmë se vatrat e zjarrit në këtë mal vijojnë prej të paktën 4 ditësh, ndërsa për shkak të terrenit të thyer malor, zjarrfikësit e kanë shumë të vështirë të ndërhyjnë.
Zjarri i rënë në “Palikonjë” në Malin e Çikës deri më tani ka djegur rreth 70 hektarë ndërsa vijon të djeg sipërfaqe me pyje.
Gjithashtu, zjarri është përhapur në Dhërmi e Palasë dhe ka bërë që pushuesit të braktisin plazhet. Kjo është hera e dytë që Greqia na vjen në ndihmë për shuarjen e flakëve. Herën e parë shoi zjarrin në Sazan.
Discussion about this post