Një ditë para duelit të kthimit në “Elbasan Arena” para medieve doli trajneri i Borac, Mladen Zizovic. Ai “u gozhdua” nga Xhevdet Zekaj, zyrtari i klubit të Egnatias që i përmendi gjithë skandalet e ndeshjes në Bosnjë dhe organizimin e dobët.
“Në tribunën VIP, presidentit tonë, mua dhe një përsoni tjetër, anëtari i presidencës së Borac na ka sharë gjithë ndeshjen me Kosovës, duke thënë se ‘është Serbi’, si edhe neve personalisht. Për ju mund të jetë lojë, për ne nuk është ndeshje ajo. Po sikur ne nesër të vijmë në tribunën VIP dhe t’u themi ‘Gugi gugi president’, është noramle?!
Tjetra, na mbyllët ajrin e kondicionuar në dhomën tonë të zhveshjes, te ju ishte në rregull. Ky është një tjetër turp. Në orën tetë pa dhjetë gjithë hoteli ynë u zgjua nga zhurma e matrapikëve dhe goditjeve. Ju nuk mund të thoni se ishte ndeshje korrekte”, tha Xhevdet Zekaj.
Trajneri Zizovic nuk u përgjigj, ndërsa UEFA ka marrë masa dhe për gjykimin në “Elbasan Arena” i ka besuar italianit Maresca.
Egnatia dhe Borac Banja Luka (Bosnjë dhe Hercegovina) luajnë nesër në orën 21:00 në “Elbasan Arena” ndeshjen e kthimit në turin e parë të Champions League.
Dueli i një jave më parë u fitua 1:0 nga Borac. Javën e kaluar Egnatia u përball me një racizëm të pashoq në Bosnjë, teksa ndeshja u ndërpre për më shumë se dhjetë minuta, shto këtu edhe gjykimin skandaloz.
https://x.com/Newsvideo13/status/1813300018272755988
gijotina.com/
Discussion about this post