Viktima Safet Yskollari 65 vjeç, i cili u vra sot me thikë nga fqinji në Pogradec, kishte 20 vite që jetonte e punonte së bashku me bashkëshorten në SHBA.
Ai kishte një vit që kishte dalë në pension dhe së bashku me gruan ishin rikthyer në fshatin e lindjes për të kaluar vitet e pleqërisë. Një banor i zonës që i njeh palët të dyja shumë mirë, pretenduan se autori Fatmir Manellari dhe viktima nuk kanë pasur asnjëherë konflikt verbal më parë.
Kjo shpjegon edhe faktin se përse asnjëherë nuk është kërkuar ndihmë në polici. Konflikti ka ndodhur sot, pasi viktima kishte vendosur disa tuba shkarkimi, të cilët i shikoni në foto, për rregullimin e rrugës që e çonte në shtëpi.
Autori pasi e kanë njoftuar të afërm, pas punës ka shkuar dhe ka debatuar me viktimën dhe e ka gjuajtur me thikë.
Për vendin që pretendon autori se e ka të tijin nuk ka asnjë dokumentacion por thotë që e kam unë pasi në ish-kovaçanën ka punuar vite më parë dhe ka zaptuar vendin me pretendimin që e ka ai.
Discussion about this post