Një trup i pajetë është gjetur në zonën e njohur si “Te Bazeni” në Pejë. Mësohet se trupi i përket gjinisë mashkullore dhe bëhet fjalë për një 68-vjeçar me iniciale N.B. I ndjeri sipas burimeve ditën e ngjarjes ndodhej nën shoqërinë e disa personave të tjerë, por në momentin e incidentit dyshohet se ka qenë i vetëm. 68-vjeçari kishte disa ditë që kishte ardhur në vendlindje, pasi mësohet se jetonte jashtë Kosovës.
Të afërmit e viktimës mësohet se e hedhin poshtë vdekjen e qëllimtë të 68-vjeçarit, teksa kjo ngjarje është konfirmuar dhe nga policia. Ndërkohë Prokuroria ka kërkuar që trupi i viktimës të dërgohet për të kryer ekspertizën mjeko-ligjore në Mjekësinë Ligjore.
Discussion about this post