Turqia nuk ka kapacitet për të pranuar një valë të re të mundshme emigrantësh nga Afganistani, deklaroi sot presidenti Recep Tayyip Erdogan.
Ai tha në një bisedë telefonike me kolegun e tij gjerman Frank-Walter Steinmeier se Gjermania dhe vendet e tjera të Bashkimit Evropian duhet të ndihmojnë fqinjët e Afganistanit sepse “ata mbajnë barrën e migrimit afgan”.
“Presidenti Erdogan nënvizoi se Turqia nuk ka kapacitet të mbajë barrën e migrimit të ri”, thuhej në një deklaratë nga kabineti i tij.
