Dyshime për korrupsion dhe mbështetje të një grupi terrorist. Këto janë pretendimet mbi bazën e të cilave autoritetet turke arrestuan rivalin më të madh politik të Recep Tayyip Erdogan, kryetarin e njohur të bashkisë së Stambollit, Ekrem Imamoglu.
Ajo e cilësoi prangosjen e Imamoglu-së si “tentativë për puç kundër presidentit tonë të ardhshëm”. Qeveria e Erdoganit i hodhi poshtë kritikat duke thënë se gjyqësori është i pavarur.
54-vjeçari Imamoglu, aktualisht kryesonte në sondazhet e opinionit në Turqinë. Partia kryesore opozitare, Partia Republikane Popullore (CHP), ishte në prag ta shpallte Imamoglun kandidat për president për ta sfiduar Erdoganit, i cili ka udhëhequr Turqinë për më shumë se dy dekada.
Zgjedhjet e ardhshme janë planifikuar për vitin 2028, por Erdogan e ka arritur kufirin e lejuar prej dy mandatesh si president, pasi më parë ka shërbyer si kryeministër.
Nëse dëshiron të garojë përsëri për president, ai duhet të shpallë zgjedhje të parakohshme dhe të pretendojë se nuk e ka përfunduar mandatin e tij të dytë, ose i duhet ta ndryshojë Kushtetutën.
Imamoglu është duke u hetuar për dy raste të vecanta që përfshijnë ndër të tjera akuza për drejtimin e një organizate kriminale, ryshfet dhe manipulim në tendera.
Discussion about this post