Tajip Erdogan nisi sërish një sulm ndaj Izraelit të premten në mëngjes gjatë fjalimit të tij në Ankara.
“Ata po testojnë durimin tonë me kërcënimet për të përdorur armë bërthamore, me iluzionin e një toke të premtuar që përfshin tokat tona. Do të ketë përgjegjësi për jetën e 10,000 njerëzve që janë vrarë. Sigurisht, do të ketë përgjegjësi për shtypjen. Ata që janë bashkëpunëtorë në të njëjtin krim do të gjykohen fillimisht nga i gjithë njerëzimi dhe më pas nga historia”, tha ndër të tjera presidenti turk.
Duke iu referuar situatës në Gaza, Erdogan theksoi: “Një fatkeqësi, një krim kundër njerëzimit po ndodh para syve të gjithë botës. Ata që uzurpuan me forcë tokën ku populli palestinez ka jetuar për mijëra vjet, po përpiqen të ndërtojnë një shtet që ekziston vetëm për 75 vjet dhe legjitimiteti i të cilit është vënë në dyshim nga vetë fashizmi i tyre”.
Discussion about this post