Presidenti i Turqisë, Rexhep Tayyib Erdogan tha gjatë fjalës së tij në Laç se ai dhe stafi i tij iu gjenden pranë Shqipërisë pas tërmetit të 26 nëntorit 2019 për shkak të vëllazërisë mes popujve tanë.
Nga Laçi, Erdogani sulmoi edhe shtetet e mëdha duke theksuar se ndërkohë që ata mbyllen kufijtë gjatë pandemisë, Turqia iu gjend pranë popujve në nevojë, përfshirë këtu edhe Shqipërinë.
“Gjatë pandemisë, ndërkohë që vendet e mëdha mbylleshin në vetvete, mbyllnin kufijtë, mbyllnin sytë, ne nuk e bëmë këtë, por vrapuam për të ndihmuar duke dalë jashtë kufijve për vëllezërit tanë. Ne morëm vendim duke firmosur dhe një memorandum mirëkuptimi që shtëpitë, banesat, që ishin të rrënuara, të ribëheshin, rindërtoheshin nga zeroja. Sot po i dorëzojmë këto banesa, që janë 522 njësi banimi, të cilat kanë kushtuar 42 milionë euro”, tha Erdogan.
Pas vizitës në Laç, Erdogan do të zhvillojë një ceremoni inagurimi të xhamisë së “Et’hem Beut” në Tiranë dhe më pas do të mbajë një konferencë me kryeministrin Rama.
Discussion about this post