Presidenti turk Recep Tayyip Erdogan kritikoi sot vendimin e SHBA-së – për të lejuar Ukrainën të përdorë armët amerikane me rreze të gjatë veprimi – kundër objektivave në Rusi.
“Ne jo vetëm që e konsiderojmë këtë vendim si të gabuar, por gjithashtu nuk e miratojmë atë”, tha Erdogan sipas agjencisë shtetërore turke të lajmeve “Anadolu”.
Presidenti turk thuhet se paralajmëroi gjithashtu për përhapjen e konfliktit.
Sipas raporteve të medieve amerikane, presidenti amerikan në largim Joe Biden i ka lejuar Ukrainës të përdorë raketat ATACMS, të cilat kanë një rreze veprimi deri në 300 kilometra, kundër objektivave në Rusi, në përgjigje të dislokimit të ushtarëve koreano-veriorë në Moskë.
Moska tha dje se Ukraina kishte sulmuar me armët amerikane me rreze të gjatë veprimi në objektivat ruse.
Shtabi i përgjithshëm i Ukrainës konfirmoi sulmin ndaj një depoje municionesh ruse pranë qytetit të Karachevit.
Discussion about this post