Presidenti turk, Rexhep Taip Erdogan, shfrytëzoi fjalimin e tij të gjatë në Asamblenë e Përgjithshme të Kombeve të Bashkuara të martën për të përmendur Gazën, si një shembull të dështimeve te sistemit të OKB-së.
“Jo vetëm fëmijët po vdesin në Gaza, por edhe sistemi i Kombeve të Bashkuara. E vërteta po vdes, vlerat që Perëndimi pretendon të mbrojë po vdesin, shpresat e njerëzimit për të jetuar në një botë më të drejtë po vdesin një nga një. Unë pyes hapur: Hej, organizata të të drejtave të njeriut, a nuk janë qenie njerëzore ato në Gaza dhe Bregun Perëndimor?”, u shpreh Erdogan.
Ai ka vazhduar duke kërkuar që të ndalet lufta në Gaza teksa ka bërë sërish një krahasim mes Netanyahut dhe Hitlerit.
“70 vjet më parë, ashtu sikurse Hitleri u ndalua nga aleanca e njerëzimit, ashtu edhe kryeministri izraelit, Benjamin Netanyahu dhe rrjeti i tij vrasës duhet të ndalet nga aleanca e njerëzimit”, është shprehur Erdogan.
Udhëheqësi konservator turk ka sulmuar po ashtu ceremoninë e hapjes së Lojërave Olimpike në Paris këtë verë.
“Një ngjarje sportive e ndjekur nga fëmijë të pafajshëm dhe qindra miliona njerëz të të gjitha moshave dhe besimeve është përdorur si një mjet në një mënyrë shumë të shëmtuar për propagandën e de-gjinorizimit”, ka deklaruar Erdogan.
“Ato skena të këqija jo vetëm që kanë plagosur thellë botën katolike, botën e krishterë, por edhe myslimanët dhe këdo që respekton vlerat e shenjta”, ka shtuar ai.
Discussion about this post