Presidenti i Turqisë, Tajip Erdogan nuk ka kursyer kritikat mbi vendet e Bashkimit Europian si dhe SHBA.
Duke folur në një ngjarje për të rinjtë e partisë së tij, Erdogan tha se Ankaraja mund ta pranonte Finlandën në NATO pa fqinjin e saj Suedinë.
“Nëse është e nevojshme, mund të japim një përgjigje tjetër për Finlandën. Suedia do të tronditet kur të japim një përgjigje ndryshe për Finlandën” , tha ai në një përpjekje për të përçarë.
Në të njëjtën ngjarje, Tajip Erdogan tha se “ Makron është i pandershëm dhe praktikon politikë të pandershme. Shkon në Mesdheun Lindor afrohet dhe vendos marrëdhënie me Greqinë duke injoruar Turqinë, ndërsa me Rusinë dhe me Putinin kemi një politikë të ndershme dhe një marrëdhënie të ndershme mes nesh” , tha ai.
Më pas ai shtoi se “këto fjalë që them tani do të publikohen, por nuk më intereson, i them qartë ” dhe shtoi se “Franca po humbet besueshmërinë e saj”.
SHBA
Ndërsa përsa i përket raportit të Turqisë me SHBA, Erdogan u shpreh:
“ Për S-400 prej kohësh na bëjnë presion që të mos i marrim, i kemi marrë, pastaj na kanë bërë presion që t’i japim diku tjetër dhe ne nuk i kemi dhënë. Amerikanët na kanë premtuar F-35, pavarësisht pagesës prej 1.4 miliardë dollarësh nuk na i kanë dhënë, pasi nuk na i jepni do të ketë çmim. ”
Duke provokuar më tej Amerikën, ai e ftoi Iranin të bashkohet në një takim të Turqisë, Rusisë dhe Sirisë, duke thënë: “Ne mund të shtojmë edhe Iranin për të arritur paqen rajonale”.
Sipas medias amerikane ‘Minute’ ministri i brendshëm i Turqisë ka nxjerrë “Listën e Terroristëve të Kërkuar” ku përfshihej edhe basketbollisti 30-vjeçar, me akuzën e anëtarësisë së organizatës terroriste! Madje qeveria turke ka shpallur një shpërblim prej 10 milionë lirash turke për këdo që fut Enes Kanterin në burg.
Discussion about this post