Presidenti i Turqisë, Recep Taip Erdogan, i pyetur nëse pati bisedë të tensionuar me kryeministrin grek në darkën e liderëve që morën pjesë në takimin e Komunitetit Politik Evropian në Pragë, tha se Kyriakos Mitsotakis nuk ka njohuri për rregullat e protokollit. “A mendoni se Presidenti i Republikës së Turqisë do ta degradonte veten në një nivel të tillë?”, u tha Erdogan gazetarëve pas namazit të xhumasë në Stamboll.
“Ai (Mitsotakis) është njeri që nuk i njeh rregullat e protokollit. Edhe pse ai nuk duhet të mbante fjalim në program, nuk e di nga kush mori leje, ai u përpoq të më përgjigjej”, shtoi ai.
Në lidhje me bisedën e fundit telefonike me presidentin rus, Vladimir Putin, Erdogan tha: “Ai shprehu falënderime veçanërisht për ndërmjetësimin tonë dhe tha: ‘Unë e përgëzoj (Turqinë) për këtë ndërmjetësim të suksesshëm”.
I pyetur për marrëveshjen e avionëve F-16 me SHBA-në, presidenti turk theksoi se “nëse SHBA-ja nuk i plotëson nevojat tona në lidhje me F-16, ka shumë vende të tjera në botë që do të na japin atë që kemi nevojë”.
Discussion about this post