Kryeministri Edi Rama ka lënë pezull vendimin përfundimtar për çmimin e energjisë, gjatë muajve të dimrit, ku qytetarëve do t’u duhet të paguajnë 42 lekë për kilovat nëse do të vendoset fasha 800 kilovat.
Sot Enti Rregullator i Energjisë njoftoi se në muajin nëntor dhe dhjetor, çmimi prej 42 lekësh do të aplikohej, çka rrjedhimisht detyrimet për familjet shqiptare do të rriten dhe ky çmimi do të jetë taksë shtesë.
Por, njoftimi erdhi paralelisht në të njëjtën kohë, teksa kreu i qeverisë ishte duke zhvilluar një takim me qytetarë të Qarkut Dibër.
“Ne jemi të vetmit që as kemi rritur çmimin për familjen dhe biznesin e vogël, as nuk kem i vendosur ende asnjë fashë. E vërteta është se ne çmimin e kemi mbrojtur. ERE vendos çmimin, ne vendosim nëse do e aplikojmë te qytetarë. Ne do të paguajmë diferencën”, tha Rama.
Në fillim të takimit ai vetë konfirmoi si vendim njoftimin nga Entri Rregullator i Energjisë, për fashën 800 kw/ h, pak para përfundimit të takimit, duket se kreu i qeverisë ka ndryshuar mendje duke theksuar se ERE do të vendosë çmimin, por aplikimin do t’a vendosë qeveria.
Rama rrëzoi “përkohësisht” vendimin e ERE-s, sa për të mos prishur fushatën dhe propagandën e tij në takimin me qytetarët veriorë.
“Ne kemi vendosur një mburojë financiare që gjithë diferencën e paguan shteti. Çmimi rritet, nuk ulet. Pashë sot që ERE kishte nxjerrë një çmim tjetër, 44 nga 42 lekë, prapë është rritur i mikësuar. Megjithatë ne do vazhdojmë ta bëjmë këtë gjë të bindur që kjo është gjëja e duhur, qoftë për familjarët qoftë për çdo biznes të vogël. Sepse kështu ne mbajmë inflacionin ulur pavarësisht se çmimet janë rritur dhe këtë gjë ne nuk e ndalojmë, por mund ta zbusim. Po të shikoni çmimet në rajon të produkteve kryesore janë dyfishi i rritjes së produkteve tona është në radhë të parë energjia, se po t’ia kishim rritur faturën dyqaneve ata do ta kalojnë barrën nga ju që blini produkte bazë”, theksoi Rama.
Discussion about this post