Përfundon aventura e Christian Eriksen te Interi. Pasi të arrihet marrëveshja për një zgjidhje konsensuale, pritet zyrtarizimi.
Për zyrtarizimin do të duhet të presim edhe disa orë të tjera, por tashmë duket se nuk ka dyshim: aventura e Christian Eriksen te Interi ka marrë fund.
Siç raporton ‘La Gazzetta dello Sport’, për të sanksionuar përfundimin e marrëdhënies ishte një takim që u zhvillua të enjten në selinë e klubit ‘Zikaltër’ takimi i mesfushorit danez dhe agjentit të tij Martin Schoots me krerët e Inter.
Palët kanë firmosur dokumentet që dekretojnë një ndërprerje konsensuale dhe për rrjedhojë mbylljen e një marrëdhënieje që duhet të kishte vazhduar deri në vitin 2024, që është viti i skadimit natyral të kontratës që lidhte Eriksen me Inter.
Pas një fillimi të komplikuar me ‘Zikaltërit’, ish-mesfushori i Tottenham ishte vendosur si një nga lojtarët më të rëndësishëm të skuadrës që u bë kampion i Italisë në sezonin 2020-2021, por shanset për ta parë sërish në fushë në Serinë A u eliminuan pasditen tragjike të 12 qershorit, kur Eriksen, në minutën e 43-të të ndeshjes Danimarkë-Finlandë, takim i vlefshëm për fazën e grupeve të Euro 2020, pësoi atak kardiak.
Mesfushorit danez i është futur një pajisje shpëtimi që mund ta lejojë të rikthehet në lojë, por jo në Itali ku rregullat, nga ky këndvështrim, janë shumë të rrepta.
Eriksen ndoshta mund të kthehej për të shkelur fushën e San Siros, por vetëm për të marrë përshëndetjen e ngrohtë të të tifozëve ‘Zikaltër’, të cilët edhe orët e fundit, përmes rrjeteve sociale, e bën të ndjente gjithë dashurinë e mundshme.
Aventura e ish-lojtarit të Tottenham te Interi përfundon pas 689 ditësh, 60 ndeshje të luajtura, 8 gola të shënuar dhe një Scudetto historike të fituar./K.T/Gijotina.com
Discussion about this post