Eriksen ndërpret kontratën me Inter?

Christian Eriksen nuk do të jetë më pjesë e klubit të Inter ose të paktën kështu raporton “Gazzetta dello Sport”.

Sipas raportimeve të kësaj medie 29-vjeçari ka rënë dakord që të prishë kontratën dhe t’i japë lamtumirën Italisë.

Madje në përfundim të këtij viti pritet edhe konfirmimi zyrtar nga Komiteti Olimpik Italian , se gjendja shëndetësore e Eriksen nuk lejon vazhdimin me Interin.

Rikujtojmë se lojtari pësoi një atak në zemër në ndeshjen e Danimarkës me Finlandën në Europian dhe që nga ai moment ka qëndruar jashtë fushave, vetëm pak ditë më parë filloi të stërvitej në vendlindjen e tij me ish-skuadrën Odense-s.

Megjithatë do të jetë fillimi i vitit të ardhshëm që do të vendosë gjithaçka./K.T/Gijotina.com