Ish-mesfushori i Interit dhe Totenhem, Kristian Eriksen, është pranë nënshkrimit me Brentford. Klubi anglez kërkon shërbimet e 29-vjeçarit duke i ofruar një kontratë 6-mujore.
Pas atakut kardiak që Eriksen kaloi në EURO 2020 kundër Finlandës, ai nuk ka luajtur më asnjë minutë në futbollin profesionist. Inter i ndërpreu kontratën danezit sepse nuk dëshironte të rrezikonte më shumë gjendjen e tij shëndetësore.
Duket se Eriksen nuk dorëzohet dhe kërkon me patjetër të jetë pjesë e botërorit “Katar 2022” dhe po kërkon për një ekip. Sipas “The Athletic” Brentford ka gati një ofertë 6-mujore për mesfushorin.
Gjithashtu aty ai do të bashkoheshe dhe me bashkatdhetarin e tij Tomas Frenk, i cili është tekniku i Brentford dhe mendon se mund ta ndihmojë Eriksen të kthehet sërish në futbollin e luajtur.
Discussion about this post