Mesfushori i Interit Christian Eriksen pritet në Milano javën e ardhshme, ku do t’i nënshtrohet ekzaminimeve të reja të zemrës pas kthimit të tij.
‘Sky Sport Italia’ raporton se duke përjashtuar surprizat dhe ndryshimet në plane, danezi duhet të kthehet në qytet javën e ardhshme.
Ish-mesfushori i Tottenham Hotspur, i cili pësoi një atak kardiak gjatë ndeshjes së parë të Danimarkës në ‘Euro 2020’, pret që të shohë shokët e tij të skuadrës në Inter.
Sipas po të njëjtave raportime zbulohet se ai do t’i nënshtrohet kontrolleve të reja të zemrës pas kthimit të tij dhe qëllimi i lojtarit dhe i Interit është të hetojë shkakun e arrestit kardiak që Eriksen pësoi më 12 qershor.
Pas ekzaminimeve mjekësore ata do të vendosin hapat e ardhshëm dhe mundësitë për të parë kthimin e danezit në fushën e futbollit italian./Gijotina.com
