Ish-zëvendëskryeministri, Erion Braçe, ka hedhur disa akuza ndaj qeverisë sot në Parlament. Gjatë fjalës së tij nga Foltorja e Kuvendit ai ka nxjerrë disa foto në të cilat duken disa nënkalime shumë të ngushtë dhe të ulët.
Mes ironie ai tha se, në ato nënkalime mund të kalojnë makina, mund të futet edhe ai vetë por Ramës i pritet koka, duke treguar më tej se mjete më të mëdha e kanë të pamundur të përdorin rrugë. Këtu? Në ajër….As nuk hipën dot dhe as nuk zbret dot. Urdhëroni dhe një tjetër. Mbikalim tjetër ky. Edhe një mbikalim tjetër, edhe një tjetër? Edhe një mbikalim tjetër, ky është i njëjti. Ndërkohë që ky këtu është nënkalim. Pa diskutim që biçikletat, veturat, unë, hymë këtu. Jam i bindur që kryetarit të Opozitës i prishin flokët, kryetarit të Qeverisë i heqin kokën”, tha ai.
Braçe tregoi me foto se si mbikalimet janë lënë përgjysmë dhe kërkoi nga ministrja të dinte se a kanë qenë ato të përfshira në projekt apo jo dhe pas kësaj qeveria ti japë zgjidhje situatës. “Pa diskutim që korrupsioni është një problem i madh, pastrimi dhe lufta ndaj tij patjetër që kërkon raste konkrete, prova dhe fakte, sidomos kur bëhet fjalë për paranë publike të kontraktuar dy herë e më shumë .
Dy qeveri të në dy kohë të ndryshme njëra e jona, tjetra PD morën përsipër të ndërtonin rrugën në Lushnjë , të ndërtuara gabim , ndanë përgjysmë fshatra të tërë, dëmtuan ekonominë, ndërkohë që qeveria e pare e zgjidhi duke ndërtuar rrotullame, qeveria tjeter na dha një autostradë që ndërpritet në 4 pika, kjo rruga e dyta, ishte vepra e parë një ylli në ngjitje, aq dinte aq bën“, tha ai.
Këtë vit Braçe nuk mori asnjë post dhe që kur nuk është më zëvendëskryeministër ai ka dalë vazhdimisht në kritika dhe akuza ndaj qeverisë, për projekte që sipas tij bëhen gjysmake.
