Ish-zëvendëskryeministri, Erion Braçe, ka deklaruar sot i bindur se nuk do të votojë kurrë paketën e re fiskale. Braçe ka qenë një nga zërat më kritik ndaj buxhetit 2020 dhe ndryshimeve në paketën fiskale, ndërsa sot ai ka deklaruar se nuk ka ndërmend ta votojë atë, edhe pse qeveria po e kalon pa marrë parasysh ankesat. Prandaj ai thotë se do të jap votën pro për buxhetin por jo për paketën fiskale.
“Për buxhetin 2022 “pro”! Për paketën e tatimeve e taksave, e pamundur “pro”-ja! Kurrë nuk kam votuar, nuk votoj, nuk do votoj kundër njerëzve që më kanë besuar fatin e tyre! Kemi rënë dakord që pas kaq kohësh, do heqim përjashtimet, favoret fiskale, për sektorë të ndryshëm të ekonomisë; e kam kërkuar vetë këtë. Por në mënyrë të drejtë, të barabartë, me një radhë të udhëhequr nga drejtësia e barazia; jo duke nisur nga bujqësia, vetëm nga bujqësia! (në katër nga katër ligjet e diskutuara, vetëm bujqësia e pëson) Ndaj depozitova sot disa propozime/amendime”, shkruan ai përmes një postimi në Facebook.
Ish-zëvendës kryeministri, thotë se nga kjo paketë e re fiskale e pëson bujqësia, prandaj ka propozuar disa ndryshime që kanë të bëjnë me TVSH-në, akcizën, tatimin mbi të ardhurat dhe taksat kombëtare. Ai shprehet se kjo nuk sjell rritje te tatimet e taksat mbi imputet bujqësore. “Ndërkohë më duhet të konfirmoj se: Nuk rriten tatimet e taksat mbi imputet bujqësore kur çmimet e tyre për të 8 muaj rresht janë në rritje-qëndrimi im për TVSH 10% për imputet bujqësore; Nuk mundet që furnizimi me naftë për jahtet të jete i favorizuar me një barre fiskale më të ulet se sa çdo furnizim tjetër”, shkruan Braçe, ndërsa shprehet se qeveria duhet të marrë për bazë propozimet e gupeve të interesit për rishikim të paketës fiskale.
Discussion about this post