Pas qeverisë së re “Rama 3”, kabinetit të deputetëve që u bënë pjesë e selisë rozë, në të cilën ish zv/ kryeministrit Erion Braçe nuk u vu re, ka bërë që ky i fundit të kthehet në mënyrë të tërthortë kundër qeverisë. Në një postim në rrjete sociale ai thekson se duhet një ligj i ri për tatimin mbi të ardhurat , duke theksuar se aktualisht ka një problem me tatimin progresiv mbi të ardhurat nga puna. Ndër të tjera ai ka shkruar se korrupsioni në vend është i pranishëm teksa kjo na bën të mendojnë se është një sulm “frontal” ndaj qeverisë.
“Nuk mohoj dot problemet, nga korrupsioni tek konkurrenca, por niveli i tatimit mbi fitimin, të ardhurat nga dividentët, aksionet etj, është shumë më i ulët edhe se në SHBA!
E falenderoj Dhomen Amerikane te Tregetise ne Tirane qe sherben ne menyre periodike si pasqyre e probleme te te berit biznes ne kete vend; Nuk kam si te mohoj problemet”, ka shkruar ai.
Ai thekson se ka probleme me korrupsionin dhe konkurrencën, por niveli i tatimit mbi fitimin, të ardhurat nga dividentë, aksionet etj, është shumë më i ulët edhe se në SHBA.
“Evazionin e perhapur fiskal qe cenon barazine ne treg e konkurencen po aty, nderkohe qe perpjekja per fiskalizimin e transaksioneve ne tregje po shenon perparim etj etj. Por, niveli i tatimit mbi fitimet, të ardhurat nga dividentët, aksionet, depozitat, qiratë etj, të biznesit të madh e vip është i sheshtë, i ulët, madje edhe më i ulët se në vendin e origjinës”, ka shkruar ai.
