Duket se SPAK ka një ditë të ngarkuar sot, pasi përpos kryebashkiakut Erion Veliaj që është paraqitur në prokurorinë e posaçme, aty është futur edhe Belind Këlliçi.
Mësohet se Këlliçi mund të pyetet si person në dijeni për disa afera që ka denoncuar për bashkinë e Tiranës dhe Veliajn, teksa demokrati tha se do të flasë kur të dalë jashtë.
“Pa merak se jam përherë transparent, do futem dhe do t’ju njoftoj”, tha ish-deputeti për gazetarët para se të futej brenda ambienteve të Prokurorisë së Posaçme.
I pyetur për Veliajn nëse e takon në korridor, Këlliçi tha, “për kë e keni fjalën për kreun e 5D apo pronarin faktik të inceneratorit”.
Anëtari i Kryesisë së PD ka depozituar disa padi në SPAK për abuzime sinë Bashkinë e Tiranës.
Këlliçi ishte ndër denoncuesit e parë edhe sa i takon aferës “5D” duke çuar më pas në arrestimin e ish-zyrtarëve të Bashkisë.
Po ashtu, Këlliçi ka depozituar dhe një kallëzim ndaj Drejtorit të Prokurimeve në UKT, gjatë kohës që drejtohej nga Redi Molla, shtetasi Elvin Tivari.
Sipas tij, vartësi i Redi Mollës, i cili kanë qenë pjesë e Komisionit të Vlerësimit të Ofertave, rezulton të jetë bërë pronar i një firme, e cila është aksionere në një hotel të ndërtuar në Dhërmi.
Ish-deputeti demokrat ka denoncuar në SPAK dhe Arbajn Maznikun, për të cilin deklaroi se me firmën e tij ka shembur në Tiranë 13 pallate në marrëveshje me kompaninë “5D Konstruksion”.
Discussion about this post