Bashkia e Tiranës nuk heq dorë nga tenderët pa garë, ku tashmë ky fakt është bërë i zakonshëm.
Në vëzhgimet të cilat Gijotina.com ka bërë, kjo bashki i jep tenderët pa garë, ndërsa firmat fituese ofrojnë një vlerë thuajse sa total i fondit limit. Këto përfundime shtojnë edhe më tepër dyshimet për këtë institucion.
Agjencia e Parqeve dhe Rekreacionit, e cila është në varësi të bashkisë ka organizuar një tender për blerjen e lëndëve drusore. Fondi limit i saj është 20 832 240,00 lekë.
Çfarë ka ndodhur më tej?
Ashtu siç ndodh me pjesën më të madhe të tenderëve të Bashkisë Tiranë, nuk ka pasur garë. Pra, kemi të bëjmë me një firmë të vetme e cila është shpallur fituese. Konkretisht është “Alcani SHPK” e cila ka ofruar 20 829 600,00 lekë pa TVSH. Ajo që bie në sy është se oferta e firmës fituese është e gati e njëjtë me fondin total. E njëjta gjë ka ndodhur dhe me disa tendera të mëparshëm të Bashkisë Tiranë, të cilat Open Data i ka klasifikuar me flamurin e kuq.
Ndër të tjera, tenderi për blerjen e lëndëve drusore dyshohet të jetë i paracaktuar për faktin tjetër se në njoftim firma fituese duhet të kishte me patjetër 10 punonjës të siguruar.
Pavarësisht këtij kriteri, sërish vetëm një kompani ka qenë në garë.
