Nënpresidentja e PL-së, Erisa Xhixho, është shprehur se kreu i Partisë së Lirisë, Ilir Meta, po mbahet në izolim ekstrem, vetëm për efektin elektoral që ai krijon, para zgjedhjeve të 11 majit 2025.
Komentet Xhixho i bëri në “A2 CNN”, ku tha se megjithëse në burg, Meta mban kontakte me kryedemokratin Sali Berisha dhe sekretarin e përgjithshëm të PL-së, Tedi Blushi, për organizimin e aksionit politik.
Ajo shtoi se arrestimi i Metës do të kthehet në forcë për Partinë e Lirisë, pasi sipas saj, të gjitha strukturat kanë nisur të angazhohen 10 herë më shumë për fushatën zgjedhore.
“Meta po mbahet në izolim ekstrem, sepse jemi në vit elektoral dhe ai mbahet në burgim për efektin elektoral që ai krijon. Marrëdhëniet me Berishën i ruan Presidenti i PL-së, Ilir Meta. Patjetër ai është në kontakt me Berishën, qoftë edhe sekretari i përgjithshëm gjithashtu mban kontaktet me PD, ne në Parlament mbajmë kontaktet me deputetët e PD. Kështu që Meta është vetë në rakordim me të gjithë, jo vetëm me drejtimin e partisë, por edhe të koalicionit. Arrestimi i Metës do të kthehet në forcë. Po kthehet në forcë, në të gjitha takimet që unë kam pasur. Të gjithë janë angazhuar për të punuar 10-fish më shumë”, tha Xhixho.
Discussion about this post