Elbasani është sensibilizuar me rastin e Erjon Vishkullit. Tifozi i njohur i Kombëtares u plagos në sy me plumb gome, ndërsa ishte i pranishëm në protestën studentore që kërkon dorëheqjen e Edi Ramës.
Elbasani ka vendosur që të ardhurat e fituara nga shitja e biletave ndaj Partizanit, do të shkojnë pikërisht për kurimin e Vishkullit.
Takimi i 28 tetorit do të luhet në “Elbasan Arena”, ndërsa nis prej orës 18:30.
“Në përballjen ndaj Partizanit, çdo biletë ka një vlerë të veçantë. Të gjitha fitimet nga shitja e biletave do të shkojnë për kurimin e Erjon Vishkullit. Këtë herë, përtej 90 minutave, luajmë edhe për Erjonin”, shkruan klubi i Elbasanit.
Discussion about this post