Erlis Frashëri largohet nga Skënderbeu. Largimi i kapitenit nga skuadra korçare është bërë e mundur me konsensus mes palëve.
Ka mjaftuar një bisede mes lojtarit të njohur dhe presidentit Ardian Takaj që palët të zgjidhin me marrëveshje kontratën që për futbollistin përfundonte në fund të sezonit.
Një ofertë e ardhur nga Flamurtari për lojtarin, e ka bindur këtë të fundit për të bërë lëvizjen e radhës, lëvizje që ka gjetur mirëkuptimin e të parit të futbollit korçar, i cili nuk ka nguruar për të lëshuar letrat mbrojtësit të Skënderbeut.
Deri tani nuk bëhen me dije çfarë ka brenda këtij konsensusi ashtu siç nuk bëhet me dije që Frashëri do të përfitojë tek Flamurtari
Ajo çfarë dihet është se Erlis Frashëri nuk është me futbollist i Skënderbeut por i Flamurtarit.
Discussion about this post