Këngëtari i njohur Ermal Fejzullahu së fundmi ka folur në lidhje me bullizmin që i është bërë për shkak të mbipeshës, duke theksuar se është një fenomen me të cilin është përballur gjatë gjithë jetës së tij.
Ai gjithashtu është shprehur se i pëlqen shumë basketbolli, por për shkak të mbipeshës nuk është marrë shumë me këtë sport duke e lënë kështu mbas dore.
I pyetur nga moderatori i emisionit “Barber Shok” se nëse është bullizuar për shkak të peshës, këngëtari pohoi duke thënë se është përballur me një fenomen të tillë gjatë jetës. Ai gjithashtu ka shtuar se njerëzit që bullizojnë të tjerët në fakt kanë probleme me veten e tyre, dhe sipas tij kanë nevojë për tu këshilluar te një psikolog.
“Ka shumë njerëz që i njoh, të cilët bullizmi ka lënë shumë me komplekse, sepse këtu fatkeqësisht nganjëherë s’mund të kesh edhe lirinë e të shprehurit sepse të gjykojnë, por nuk është mirë t’i bullizosh njerëzit sepse shumë njerëz në të gjithë botën që kanë ngelur kështu si unë trashaluq, kam vlerat e mia, kam artin tim, talentin tim që dikush tjetër ndoshta s’e ka. Nuk bën t’i gjykosh njerëzit në pamje shtoi ai. Zakonisht njerëzit e vegjël bullizojnë, ata kanë të meta vetë, kanë nevojë për psikolog.”
Nga ana tjetër, ai ka dhënë një mesazh për të gjithë personat që përballen me bullizmin duke thënë që mos tu bëjë përshtypje.
“Mos t’ua ndiejë.”
Së fundmi, këngëtari është pyetur edhe në lidhje me “bakshishet” që merr nëpër koncerte apo evente që ai shkon. Ermali theksoi se është super milioner, pasi është rritur në një familje që e ka edukuar mirë duke shtuar se ka krijuar gjithashtu një familje të mrekullueshme.
“Jam super milioner sepse jam rritur në një familje që më kanë dhënë një edukatë të mirë për mua, dhe në të njëjtën kohë më kanë dhënë lirinë të veproj si të dua unë. Kam një familje që kam ndërtuar, kam katër fëmijë si drita.”
Discussion about this post