Ermal Meta është këngëtari shqiptar që prej disa vitesh po shijon majat e suksesit në Itali.
Ai nuk nguron që herë pas here të jetë më afër publikut jo vetëm me këngët që lançon, por edhe përmes nismave të ndryshme si për shembull, ajo e “Corriere della Sera”.
Së fundmi, Ermali ka dhënë edhe një intervistë lidhur me këtë nismë, ku nuk kanë munguar pyetjet e shumëllojshme.
I pyetur për një kauzë të mbështetur prej tij që garanton të drejtat e komunitetit LGBTQ, Meta tha se ka ende për të bërë.
Sipas tij edhe përse familjet janë tradicionale të drejtat për këtë komunitet duhet të garantohen, teksa ka folur edhe për familjen e tij.
Këngëtari shqiptar thotë se familja e tij ishte tradicionale, ndërsa për babain e tij ka rrëfyer se nuk ishte njeri i mirë.
“Ka ende shumë për të bërë për të drejtat civile, disa personazhe kanë thënë shumë budallallëqe, arsyen pse nuk e kam idenë. Familjet mund të jenë ose jo tradicionale. Ajo që nevojitet është dashuria: Unë kisha një familje tradicionale që ishte e tmerrshme. Babai im nuk ishte njeri i mirë, do të kisha preferuar një mijë herë diçka ndryshe. Pra, mendoni për fëmijët e dhunuar ose gratë që vuajnë dhunën” – tha Meta.
Këngëtari shqiptar është ka folur edhe për koncertin e mbajtur në stadiumin e Tiranës.
“Shqipëria ka kaluar një kohë të vështirë. Kur isha i vogël ishte e ndaluar të dëgjoja muzikë të huaj, regjimi kishte frikë nga ajo që vinte nga jashtë, aq sa për të thënë “kazino” thoshim “Amerikë”. Kur mbërritëm në Pulia më kujtohen rrugët e mëdha dhe të drejta, sepse në Shqipëri ishin të gjitha kthesa, për të mos zbarkuar armiqtë” – tha ai.
Discussion about this post