Ernest Muçi: Në nëntor do jap 100%, ndihem mirë në çdo pozicion

Sulmuesi Ernest Muçi realizoi një supergol në takimin miqësor ndaj Bullgarisë, që u mbyll me shifrat 2-0 për kuqezinjtë.

Në prononcimin e dhënë pas ndeshjes, talenti kryeqytetas u shpreh se më mirë ndihet si sulmues i dytë.

“Te klubi im luajmë tjetër taktikë. Mundohem edhe unë të mësohem me mënyrën si luajmë te Kombëtarja. Për kombëtaren, ndihem mirë në çdo pozicion, mjafton vetëm të luaj dhe të jap maksimumin.

Çdo futbollist mundohet të bëjë sa më mirë, duhet të bëj akoma më mirë në klub dhe në Kombëtare dua të jap 100%, në nëntor janë ndeshjet kryesore, shpresoj të bëj pjesë dhe të bëj më të mirën.

Duhet të marr më shumë përsipër, sa vjen edhe ndihem më mirë, shpresoj që ndeshjen e ardhshme, të bëj edhe më mirë.

Po mundoja të gjeja pozicionin e duhur. Varet si vijnë situatat. Ndonjëherë nuk je në pozicionin e duhur. Isha i lumtur që isha në pozicionin e duhur, godita dhe shënova.

Nuk kam ndrojtje për intervistat, ndonjëherë duhet të dalin edhe të tjerët, por që sot dhe tutje do dal. Silvinjo po më tregonte ku ishin hapësirat për të gjetur topin më shumë”, u shpreh Muçi.