Pedagogu i njohur Ervin Goci, si një nga organizatorët e protestës, i ka bërë të qartë qeverisë se protestat nuk do të ndalen. Ai tha se Rama as nuk e ka idenë se si jetojnë qytetarët, prandaj ato planet teorike që paraqet nuk vlejnë fare në një vend që është në krizë të thellë.
Sakaq, ai ka përmendur edhe një tjetër detaj, Goci tha se qeveria ka mundësi të sjellë një këngëtar e të paguaj mijëra euro për të, ndërsa për popullin ofron lëmosha. “Këta të varfrit do ti shikoj nga vrima e X5, masa popullore sot komunikon me njëri tjetrin dhe me atë që janë të besueshëm. Merrni një faturë në dorë dhe ejani tregojani pak se si është të jetosh në Shqipëri. Këtu problemi është thelbësor, jetësor dhe për mbijetesë. S’ka teorira, kjo është arsye edhe me që të tregojmë forcën, që ato masa që ka marrë ti çoje diku bamirësi se nuk janë masa për dinjitetin tonë. Duhet të kuptohet se cila është protesta. Qendra e Tiranës ofron Malumën nuk është kjo protesta, duhet hapur në të gjithë republikën”, tha ai.
Kujtojmë se ditën e nesërme në vendin tonë do të zhvillojë një koncert këngëtari i njohur “Maluma”, për të cilin flitet se Bashkia Tiranë do të paguaj mijëra euro vetëm për pak orë.
Discussion about this post