Opinionisti i “Big Brother VIP” Arbër Hajdari ka bërë një koment për aktoren Olta Gixhari, i cili është diskutuar jo pak në rrjet. Ai iu drejtua Oltës në puntatën e kaluar, duke thënë që bën “zhurmuesen” në shtëpi, teksa po flistë për debatet dhe situatat e fundit.
Kjo nuk i ka pëlqyer aspak Oltës, e cila ishte e shpejtë në reagimin e saj, teksa së fundmi një reagim ka ardhur edhe nga një ish-banore e “Big Brother Vip”. Bëhet fjalë për modelen Beniada Nishani, e cila në një bashkëbisedim me ndjekësit e saj në “Instagram” nuk i kurseu ironitë për ngjarjet e fundit.
Modelja shprehet me nota ironie se fjala “zhurmuese” është bullizim, ndërsa “shkatërrim”, e përdorur nga Olta, është kompliment.
“Fjala zhurmues është bullizim, por shkatërrues është diçka shumë e bukur, është një kompliment”- shprehet Beniada. Kështu ajo ka ironizuar aktoren Olta Gixhari, duke i dalë në mbrojtje kunatit të saj Arbër Hajdarit, i cili është vëllai i partnerit të modeles, Blertit.
Kujtojmë se ditën e djeshme Olta Gixhari deklaroi se opinionet e Arbrit janë histori të sajuara.
Olta: “’Olta ka folur kundra Gentit dhe ka ngritur komplote’. Nuk është fare e vërtetë”.
Amos: “Kjo është budallallëk. Këto opinionistët sido të jetë, duhet ta blejnë abonimin dhe ta shohin 24 orë që kur të vijnë këtu të japin mend”.
Olta: “Ose dorëzo çelësat Arbër! Dorëzo çelësat dhe ik nëse nuk e bën dot”.
Discussion about this post