Ish-komandanti suprem i forcave aleate të NATO-s për Evropën, gjenerali Wesley Clark, tha se Serbia duhet ta njohë pavarësinë e Kosovës. Sipas tij, bashkëpunimi ekonomik në mes të dy vendeve do të jetë i pashmangshëm.
Ai foli në një diskutim të organizuar nga Oda Ekonomike Amerikane në Kosovë për 26-vjetorin e ndërhyrjes së NATO-s. Gjenerali Clark inkurajoi Kosovën që të përqafojë bashkëpunimin rajonal me fqinjët si Shqipëria, Maqedonia e Veriut, madje edhe Serbia.
“Përfundimisht, Serbia do të duhet të pranojë pavarësinë tuaj dhe bashkëpunimi ekonomik do të jetë i pashmangshëm”, citohet të ketë thënë Clark. Ai u bëri thirrje liderëve të Kosovës që të ndjekin qeverisjen e pastër, unitetin politik dhe të mbajnë një baraspeshë të fortë ndërmjet qeverisë dhe sektorit privat.
Discussion about this post