Cristiano Ronaldo ka refuzuar të futet në fushë në ndeshjen e kampionatit të luajtur nga Manchester United kundër Tottenham? Kësaj pyetje direkte i ka kthyer përgjigje vetë trajneri i Djajve të Kuq, Erik ten Hag, në konferencën për shtyp të zhvilluar në prag të sfidës së Premier League kundër Chelsea-t: “Po. Është hera e dytë (ka ndodhur edhe në miqësoren kundër Rayo Vallecano-n) dhe duhet të ketë patjetër pasoja, sjellja dhe mentaliteti i grupit është shumë i rëndësishëm.
“Unë jam përgjegjës, duhet të vendos disa standarde dhe t’i kontrolloj. Ajo që flas me Cristiano-n mbetet mes nesh, ai mbetet një lojtar i rëndësishëm i ekipit”.
Kujtojmë se portugezi është përjashtuar nga skuadra e parë e Manchester United në prag të ndeshjes së rëndësishme në Premier League kundër Chelsea-t.
Discussion about this post