Norvegjezi i talentuar Haland është i dëmtuar prej një muaji dhe ka munguar në disa ndeshje të Borusia Dortmund. Megjithatë kjo nuk e ka penguar shtatlartin të tregojë potencialin e tij edhe kur nuk është në formën optimale.
Skuadra gjermane ka publikuar në rrjetet sociale një video ku Haland shfaq të gjithë talentin e tij. Sulmuesi vendos 3 topa njëri pas tjetrit dhe fillon të godasë një shënjestër në cepin e majtë të portës.
Goditjet e 21 vjeçarit përfundojnë të gjitha në shënjestër duke konfirmuar sërish se mbetet një ndër lojtarët më të mirë aktualisht në botë. Në lidhje me të ardhmen e tij, Haland pritet të largohet nga Gjermania në fundin e sezonit për të vijuar karrierën në Spanjë ku kërkohet nga Real Madrid dhe Barcelona.
