Një grua nga Britania e Madhe burri i së cilës është vrarë, po mbështet përpjekjen për liri të një pirati të akuzuar.
Çifti i bashkëshortëve, Judith Tebbutt, 67 vjeç dhe David, u rrëmbyen nga piratët somalezë në vitin 2011. Ngjarja ndodhi në një vendpushim luksoz në Kenia.
Davidi u vra dhe Judith u mbajt peng për gjashtë muaj. Keniani Ali Kololo ishte i vetmi person i dënuar në lidhje me vrasjen dhe rrëmbimin.
Një gjykatës kenian i dha atij një dënim me vdekje në vitin 2013, i cili më vonë u ndryshua në burgim të përjetshëm.
Por tani Judith ka zbuluar se ajo po mbështet përpjekjen e tij të afërt për liri, duke thënë se ai u bë një “kokë turku” nga Scotland Yard, i cili nuk arriti të gjente sulmuesit e saj të vërtetë.
Ajo tha për The Sunday Times: “Unë besoj se ai është një njeri i pafajshëm dhe ai duhet të lirohet.
“E di me siguri që ai nuk ishte pjesë e atij grupi që më mori atë natë. Njerëzit që më rrëmbyen janë ende atje. Ndërsa zoti Kololo, i cili besoj se nuk kishte asnjë lidhje me vdekjen apo rrëmbimin tim, ka qenë në burg për 11 vitet e fundit”, u shpreh ajo.
Discussion about this post