Gazetari Arjan Çani ka deklaruar se kryeministri Edi Rama është i vonuar për implementimin e ligjit për aministinë fiskale. Sipas tij, paratë e krimit dhe drogës janë në Shqipëri, gati për tu pastruar. Ai shtoi se bankat e huaja në vendin tonë, po blihen nga shqiptarët për këtë qëllim.
“Të gjithë e dimë, se në të gjithë botën dhe seri te vendet fqinje, në momentin që një person shkon me valixhe me 2 milionë euro, nuk ka bankë që nuk i merr. Janë pallavra të tjerat. Tjetër gjë ajo që duhet thënë, tjetër ajo që ndodh në realitet.
Mjeshtrat, çunat që kanë riskuar jetën, nuk ka shërbim sekret në botë, që nuk e di që edhe në vende me demokraci me standarte të larta ka gjithmonë disa banka që i marrin paratë. Nuk do të kapet askush në kufi, do ti kalojnë nga banka. Problemin e transportit kot e fusni në këtë.
Kush po i ble bankat në Shqipëri? Pse po ikin të huajt? Pse këta njerëz të neveritshëm që kontrollojnë qeverinë, po hapin banka? Për të pastruar paratë e krimit. Ky Edi Rama, që i ka të gjitha, përse bën llollo? Droga dhe paratë janë këtu, përse e vonon ai akoma këtë gjë? Është i vonuar. Paratë e krimit janë këtu, futi sa më shpejt, sepse e ke bërë infrastrukturën gati.
Siç kuptuan amerikanët, që sa ti jepnin lek në mënyrë të fshehtë senatorit, e bënë lobimin me ligj. I njëjti parim. Këto janë për ti hedhur hi syve, naivëve dhe idiotëve të dobishëm”, deklaroi Çani.
Discussion about this post