Ish-zëvendës kryeministri, Erion Braçe ka denoncuar një tjetër rast të shkeljes së ligjit. Me anë të një postimi në facebook të një personi invalid me emrin Gazmir Sula, nga fshati Thanasaj të cili pa asnjë shpjegim qeveria i ka hequr përkrahjen ekonomike.
“Ky është Gazmir Sula nga fshati Thanasaj, njësia Dushk, Lushnje. A mund të di unë pse këtij njeriu të pamundur i hiqet paketa higjeno sanitare? Është invalid i grupit të parë. I kanë thënë se nuk të takon. Vërtet? Po kujt i takon nëse jo Gazmirit?” – shkruan Braçe.
Braçe i ka bërë thirrje qeverisë që të reagojë për rastin në fjalë, ndërsa theksoi se 910 milionë dollarë në vit për mbrojtjen sociale është një fond i konsiderueshëm por varet sa efektiv është shpërndarja.
“Tani, nëse kështu thotë ligji, atëherë ligji është gabim. Nëse kështu thotë cilido udhëzim, atëherë ai udhëzim është gabim, por nëse kështu do një mjek apo cilido zyrtar i shtetit, atëherë të gjithë ata nuk duhet të jenë të tillë. Ju thashë dy ditë më parë, 910 milionë dollarë në vit për shëndetin e mirë dhe mbrojtjen sociale janë shumë lekë, por ato nuk janë efektive” – përfundon Braçe.
Kujtojmë se deputeti Erion Braçe ka qenë shumë kritik ndaj qeverisë, që në momentin u largua nga posti i zëvendës kryeministrit.
Discussion about this post