“Është nder të stërvitësh portierin më të mirë në botë dhe ‘Topin e Artë’”, Ancelotti urim special ndaj dy lojtarëve të tij

Karim Benzema ishte lojtarë që e rrëmbeu këtë vit “Topin e Artë”. Sulmuesi francez u cilësua si lojtari më i mirë i sezonit 2021-2022.

Ndërsa si portieri më i mirë u cilësua Thibaut Courtois, i cili fitoi “Trofeun Jashin”. Trajneri i kampionëve të Spanjë dhe Europës, Carlo Ancelotti ka uruar dy lojtarët e tij nëpërmjet një postimi në rrjetet sociale.

Tekniku italian, i vetmi që është shpallur kampion në pesë ligat kryesore të kampionatit dhe i vetmi me katër trofe Championsi, ka shprehu gjithë gëzimin e tij në lidhje me portierin belg dhe goleadorin francez.

“Është nder të stërvitësh portierin më të mirë në botë dhe Topin e Artë. Urime për miqtë e mi Thibaut dhe Karim”, shkruan trajneri i njohur, fjalë që tregojnë raportin fantastik dhe atmosferën e shkëlqyer që ekziston te Reali i Madridit.

Skuadra historike vazhdon të dhurojë emocione për tifozët. Në fundjavë erdhi suksesi i shumëpritur ndaj Barcelonës në El Clasicos, teksa djemtë e Carlo Ancelottit, të cilët e nisën sezonin me fitimin e Superkupës së Europës, vazhdojnë të jenë të pathyeshëm në sezonin 2022/2023.