Ditën e djeshme Partia Socialiste propozoi si kandidat për president gjeneralin Major Bajram Begaj. Menjëherë kanë shpërthyer akuzat dhe pretendimet se Begaj është nën hetim nga Prokuroria e Posaçme Kundër Korrupsionit, por vetë SPAK ka hedhur poshtë këto akuza. SPAK bënë me dije se ndaj Begajt nuk ka asnjë hetim, pasi nuk ka asnjë kallëzim konkretisht ndaj tij. Sipas informacioneve të siguruar, SPAK ka regjistruar procedim për bazën e Shengjinit pas kallëzimit të Meçollarit, por pa emra konkret, ndërsa sipas strukturës antikorrupsion nuk ka asnjë hetim për gjeneral Begajn.
Mësohet se SPAK i ka dërguar Meçollarit duke e vënë në dijeni se ka regjistruar procedim penal, për çështjen por pa emra konkretë. Artur Meçollari në cilësinë e kallëzuesit ka bërë dy kallëzime penale në SPAK, që lidhen me dy raste të trajtimit joligjor të pronave në planin e veprimit dhe përhapjes së Forcës Detare. Por, sipas SPAK regjistrimi i këtij procedimi nuk lidhet me emrin e gjeneral Begajt, edhe pse emri i tij ishte një nga të kallëzuarit nga Meçollari.
Discussion about this post