Është nga festimet më ikonike në futboll, nga u frymëzua Messi për t’i treguar fanellën madrilenëve?

Lionel Messi është golashënuesi më i mirë në historinë e El Clasico-s, duke e gjetur rrjetën 26 herë për Barcelonën në ndeshjet kundër Real Madridit.

Të gjithë ata gola kanë qenë shkak për festime dhe Messi sigurisht i ka rafinuar veprimet e tij gjatë viteve, me një kuptim të thellë të armiqësisë mes palëve duke e ndihmuar atë të dijë saktësisht se si të futet më mirë nën lëkurën e rivalëve të përhershëm të klubit katalanas.

Natyrisht që ndër festimet e golave që kanë mbetur në mendje është ai i 23 prillit i vitit 2017 në Santiago Beranbeu, kur Messi hoqi fanellën e tij dhe e tregoi atë përballë tifozëve të Real Madrid. Argjentinasi shënoi jo vetëm golin e fitores, por edhe golin nr.500 për katalanasit.

Megjithëse ky festim ka mbetur në mendje, Messi nuk ishte i pari që e bënte diçka të tillë. Ai mund të jetë frymëzuar nga ish-legjenda e Barcelonës Ronaldinho, i cili në mënyrë të paharrueshme ngriti fanellën e tij për tifozët pasi shënoi një gol për Paris Saint-Germain në një fitore kundër Marseille në vitin 2002.

Të tjerë gjithashtu kishin festuar në atë mënyrë përpara Messit dhe mund të pretendonin se ishin burimi i frymëzimit. Një tjetër brazilian, Juninho Pernambucano, për shembull, hoqi fanellën e tij dhe e mbajti atë para tifozëve pasi ndihmoi Lyon të mposhtte Marseille në vitin 2009.

Lidhja braziliane me festën vazhdoi kur mbrojtësi i krahut të Real Madridit, Marcelo, mbajti fanellën e tij lart pasi shënoi në fitoren e finales së Ligës së Kampionëve në vitin 2014 kundër Atletico Madridit.