Deputeti i Partisë Demokratike Flamur Noka ka deklaruar se forca politike që përfaqëson ka hapur një garë të brendshme për kandidatët që do të marrin pjesë në zgjedhjet lokale të vitit 2023.
Ai shtoi se në PD do të aplikohen primaret, të cilat i ka cilësuar si një risi në politikën shqiptare.
“Partia Demokratike në këtë vjeshtë do të hapë edhe garën e brendshme për kandidatët për kryetarët e pushtetit vendor. Primaret kanë qenë dhe janë risia më e madhe e politikës shqiptare. Është një risi që e fut për herë të parë Partia Demokratike.
Primaret janë ajo risi që i sjell pushtetit dhe vendimmarrjen anëtarit të partisë, jo kryetarit apo Kryesisë së partisë. Do të jenë anëtarët e partisë, ata që do vendosin për emrat që do t’i përfaqësojnë përballë qeverisë dhe për bashkinë. Selia qendrore, Kryesia e saj do të ketë rol honorifik në këtë proces”, theksoi Noka.
Discussion about this post