Ministri i Shëndetësisë, Arben Vitia, pas mbledhjes së qeverisë ka folur për media për pandeminë duke theksuar se një valë e re e COVID-19 mund të jetë e pashmangshme.
Ai shprehet se varianti Delta po dominon tashmë në shumë shtete dhe se ky variant mund të dominojë edhe në Kosovë.
“Është një variant jashtëzakonisht i rrezikshëm. Varianti Delta po dominon në disa pjesë të mëdha të Evropës Perëndimore. Me paraqitjen e dy rasteve te ne, ne kemi frikën që shumë shpejtë do të dominojë edhe te ne. Përhapja është aq e frikshme, por të gjitha masat e përdorura deri tani kanë treguar se përkundër që mund ta ngadalësojnë përhapjen mund ta ndalin atë. Një valë e re në gusht, shtator, tetor, në çfarëdo varianti dhe çfarëdo masa mund të ngadalësohet”, ka thënë ai.
Vitia shton se Kosova është i vetmi vend në rajon që ka vaksina të certifikuara dhe ato janë të sigurta.
“Lajmi i mirë është nga shtetet që kanë kryer me sukses vaksinimin, tregon se të gjithë ata që janë vaksinuar, janë të mbrojtur nga variant delta. Vaksinohen kundër COVID-19. Kosova është vendi i vetëm në rajon që ka vaksina të aprovuara nga EMA, vaksinat janë të sigurta”.
