Cristiano Ronaldo nuk po kalon një periudhë aspak të mirë te Manchester United që nga merkatoja e verës, kur portugezi kërkoi dëshpërimisht largimin nga “djajtë”
Largim që nuk ndodhi “kurrë”, por mund të realizohet gjatë merkatos së janarit, pasi tashmë dihet se qëndrimi i CR7 në “Old Trafford” po i vjen fundi.
Karriera e tij pothuajse ka prekur dyshemenë gjatë rikthimit te United dhe për këtë gjë, ka reaguar trajneri i tij i parë, Leonel Pontes.
“Cristiano është lojtari më i mirë në historinë e futbollit dhe një profesionist i madh. Klubi dhe trajneri i tyre nuk dinë të merren me karizmën, cilësinë dhe pontencialin e tij. Nuk mund ta përjashtojnë apo të mendojnë ta fusin vetëm në minutat e fundit, ai është një lojtar me shumë cilësi, me historinë e tij dhe me gjithçka që i ka dhënë futbollit dhe Manchesterit.
Ka pandershmëri në të gjitha këto. Nëse nuk munden të mbështeten tek ai, duhet ta lejonin të ikte. Dhe nëse lojtari më i mirë në botë poshtërohet në këtë mënyrë, më mirë të largohet”, është shprehur trajneri i tij i parë te të rinjtë e Sportingut, Leonel Pontes.
Discussion about this post