Deputeti i Partisë Socialiste Erion Braçe ka denoncuar sot moskryerjen e pagesave nga grumbulluesit te bujqit për prodhimin e tyre.
Përmes një reagimi në rrjetet sociale, Braçe thotë se ka nga ata grumbullues, të cilët kanë deri në 2 milionë euro pa u paguar bujqve.
“Është hall i madh për çdo bujk që paratë e prodhimeve bujqësore të vonohen 3, 4, 5, 6 e me shumë muaj. Mendoheni, të mbjellësh, të shërbesh, rritësh, pjekësh, vjelësh, shesësh proshimet e tua dhe, TREGTARËT TË TË VONOJNË PARATË EDHE PËR 6 MUAJ TË TJERË! Është e poshtër! Bëhet edhe me e poshtër kur pas 6 muajsh të bëjnë llogarinë me një çmim tjetër-ndryshe nga ai i 6 muajve më parë kur ti shite! Ne Lushnje e Divjake, ka tregtare qe kane mbi 2 milion euro pa paguar per prodhimin blere bujqve”, ka shkruar ndër të tjerash Braçe.
Ai thotë se shpesh këta grumbullues e tregtarë shfrytëzojnë vizitat e politikanëve për t’u mbrojtur në raport me bujqit. Po ashtu ai ka shkruajtur që në Shqipëri ka ligje që vendosin afate për pagesat biznes me biznes, por marrëdhënia me bujqit nuk përfshihet. Për këtë sipas socialistit duhet ndryshuar ligji për të vendosur afat për paratë e bujqve.
Discussion about this post