Mbrëmjen e sotme janë për t’u zhvilluar edhe gjashtë ndeshjet e fundit të xhiros së parë të edicionit 2024/25 në Ligën e Kampionëve.
Formati i ri i Ligës së Kampionëve përveç ndryshimeve rrënjësore në grupe dhe ndeshje, takimet e javës së parë kanë vendosur t’i zhvillojnë në tri ditë të javës.
Pas të martës dhe mërkurës, radha është edhe për gjashtë ndeshjet e mbetura për t’u zhvilluar sonte në mbrëmje.
Ndeshja më interesante e ditës së sotme padyshim se është ajo mes Monacos dhe Barcelonës, e cila pritet të zhvillohet në “Stade Louis II” nga ora 21:00.
Përballje interesante pritet të jenë edhe ato mes Atalanta-Arsenal dhe Atletico Madrid-RB Leipzig, të cilat zhvillohen po në të njëjtën orë 21:00.
Në tri takimet tjera luajnë Crvena Zvezda-Benfica dhe Feyenoord-Bayer Leverkusen më 18:45 dhe Brest-Sturm Graz më 21:00.
Discussion about this post