Euro 2024 – Nis faza me eliminim direkt, Gjermania dhe Italia zbresin në fushë (Formacionet e mundshme)
Euro 2024 hyn këtë të shtunë në fazën e parë me elimim direkt.
Dy ditë pushimi pas përfundimit të fazës së grupeve, në fushë do të zbresin sot Gjermania dhe Italia.
Në takimin e orës 18:00, Italia do të gjejë përballë Zvicrën, një ekip që tregoi se është një kockë e fortë në ndeshjen e fundit të grupeve përballë Gjermanisë.
Italianët megjithatë, janë kampionët në fuqi të kompeticionit dhe kanë treguar se dinë të fitojnë edhe kur nuk janë favoritë.
Pritet një ndeshje e luftuar nga të dyja ekipet, që e mbyllën në vendin e dytë klasifikimin në grupet përkatëse.
Gjermania dhe Danimarka zbresin në fushë në 21:00. Gjermania, pritësja e këtij kampionati Europian, pritet të triumfojë. Megjithatë, përballë do të gjejë një Danimarkë që nuk ka pësuar asnjë humbje në ndeshjet e gropit.
Danimarka u kualifikua si e dyta e grupit të saj me 3 barazime, ndërsa Gjermania e para, me 7 pikë.
Lexo edhe:
Discussion about this post