Komiteti Ekzekutiv i UEFA-s miratoi këtë të mërkurë në Bilbao formatin e kualifikueseve të Euro 2028 që do të zhvillohet në Angli, Irlandë, Skoci dhe Wells. Ekipet do të ndahen në 12 grupe, me nga katër ose pesë skuadra ku fituesit e secilit grup dhe tetë vendet e dyta më të mira do të kalojnë direkt në fazën finale.
Në këtë garë do të përfshihen dhe vendet mikpritëse të turneut final, ku dy të klasifikuarat më mirë që nuk janë renditur në vendin e parë ose të dytë, e kanë të sigurtë pjesëmarrjen. Dy vendet e mbetura do të përcaktohen nga faza play off, ku do të përfshihen edhe skuadra nga Liga e Kombeve 2026-2027.
Numri i finalistëve të Euro 2028 mbetet 24. Mbledhja e radhës e Komitetit Ekzekutiv të UEFA-s do të mbahet për herë të parë në Tiranë më 11 shtator të këtij viti.
Discussion about this post