Spanja ka marrë tre pikë të rëndësishme, në ndeshjen e saj të dytë, në kampionatin europian të grupmoshës deri nën 19 vjeç.
Iberikët triumfuan shumë lehtë ndaj Greqisë me rezultatin 5-0, duke vënë në dukje forcën e tyre të madhe tekniko-fizike si dhe duke i vërtetuar të gjithëve, se kundërshtarët e tyre, në këtë rast, helenët, kanë ardhur në Maltë “vetëm për turizëm”.
Takimi i luajtur në qytezën malteze të Gozo, u zhbllokua shumë shpejt, me Spanjën që kaloi në epërsi, falë golit të Barbera, pas 11 minutash lojë.
As koha për të marrë veten nga goli i pësuar, grekët u goditën sërish, kësaj radhe nga Moran, që dyfishoi, tre minuta më vonë.
Si të mos mjaftonte dhe goli i dytë, në të 17’ minutë, Spanja shënoi përsëri, Palacios gjeti rrjetën, nga distanca, duke bërë që trajneri i Greqisë, të nervozohej jashtë mase me ekipin e tij.
Helenët, filluan të shfaqnin hapur tensionin, me mbrojtësit ballkanas, që shkaktuan disa faulle të ashpra, por pa u ndëshkuar me të kuq, nga arbitri Yigal Frid.
Për t’a mbyllur bukur pjesën e parë, mendoi Barbera, që shënoi golin e katërt të takimit (të dytin personal), duke i dërguar skuadrat në pushim, me shifrat 4-0.
Në pjesën e dytë, “muzika” nuk ndryshoi, me Spanjën që ishte e motivuar për të gjetur golin, duke mos lëshuar terren ndaj Greqisë, që ndryshe nga takimi me Norvegjinë, u detyrua që të vuante dhe gjatë 45 minutave të dyta.
Arnau Casas, në minutën e 57’, kompletoi “manitën”, duke goditur saktë me kokë, në trekëndësh. Deri në fund nuk pati më histori, me Spanjën, që e kurseu kundërshtarin nga pësimi i një tjetër goli.
Turpërim absolut për grekët, që rrezik, as vetë nuk e kanë marrë vesh, se si janë kualifikuar, për në fazën finale të UEFA EURO U19.
Me këtë triumf, iberikët, shkojnë në kuotën e 6 pikëve, duke siguruar kështu, biletën e gjysmëfinales, me takimin e fundit ndaj Norvegjisë, që do të shërbejë, për të aktivizuar lojtarët që kanë patur më pak minuta./m.b /gijotina.com
Discussion about this post