Janë luajtur, gjatë pasdites së sotme, ndeshjet e treta të fazës në grupe, përsa i përket grupit A, të UEFA EURO U21, që këtë vit, zhvillohet në Gjeorgji dhe Rumani.
Në takimin më të fortë të orës 18:00, Portugalia triumfoi me rezultatin 2-1 përballë Belgjikës, pas një takimi plot raste dhe situata delikate.
Në Tbilisi, luzitanët vuajtën për të marrë tre pikët e kualifikimit për në çerekfinale.
Pas një pjese të parë, ku skuadrat u treguan perfektë, në mbrojtje, pjesa e dytë, ishte ajo që dhuroi pjesën më të madhe të spektaklit.
Në minutën e 56’, Portugalia, zhbllokoi shifrat, me anë të Neves, i cili mposhti me një goditje perfektë, portierin e Belgjikës.
Avantazhi nuk zgjati shumë, sepse europianoqëndrorët barazuan pas 9 minutash, me Vertessen.
Me një rezultat të tillë, Belgjika ishte e kualifikuar, por fati i braktisi në minutën e 89’. Me anë të një penalltie, Dantas shënoi golin e fitores për portugezët.
Me këtë rezultat, Portugalia e mbylli fazën e grupeve në pozitën e dytë, duke kaluar më tej, së bashku me Gjeorgjinë organizatore.
Takimi tjetër i grupit, Gjeorgji-Holandë, u mbyll 1-1./m.b /gijotina.com
Discussion about this post