Kualifikueset e Europianit “Gjermani 2024” luajnë ditën e tyre të katërt, me shumë sfida të tjera interesante që zbresin në fushë ditën e sotme.
Ato hapen në orën 13:00 me sfidën Kazakistan-Danimark, ku dukshëm favoritë janë nordikët.
Në orën 18:00 spikat dueli Angli-Ukrainë. Pas fitores ndaj Italisë, “Tre Luanët” tashmë do të kërkojnë tre pikët e radhës përballë skuadrës ukrainase.
Po në Grupin C, në orën 20:45, “Axurrët” e drejtuar nga Mançini do të kërkojnë pikët e para në këto kualifikuese përballë një kundërshtari të lehtë në letër, Maltës.
Po në këtë orë do të zbresë në fushë edhe Kristiano Ronaldo me Portugalinë e tij, të cilët do të ndeshen me Luksemburgun në transfertë për tre pikët e radhës në Grupin J.
Po në Grupin C, por në orën 20:45, Italia kërkon pikët e para, pas disfatës me anglezët.
Përballë është Malta, ndoshta kundërshtari i duhur për të rikthyer humorin, ndërsa edhe pse u mundën në Shkup ndaj Maqedonisë së Veriut, maltezët treguan nivel loje dhe shumë dëshirë.
Në Grupin J, në orën 20:45, Portugalia udhëton drejt Luksemburgut me misionin tri pikë.
Ronaldo me shokë shohin një tjetër sfidë ku mund të argëtohen, ashtu si tri ditë më parë përballë Lihteshtejnit.
NDESHJET:
GRUPI C
ANGLI – UKRAINË 18:00
MALTË – ITALI 20:45
GRUPI H
KAZAKISTAN – DANIMARKË 15:00
SLLOVENI – SAN MARINO 18:00
IRLANDË E VERIUT – FINLANDË 20:45
GRUPI J
LIHTENSHTEIN – ISLANDË 18:00
LUKSEMBURG – PORTUGALI 20:45
SLLOVAKI – BOSNIE & HERCEGOVINË 20:45
Discussion about this post