Ish-futbollisti i Kombëtares, Ilir Shulku, tregon se nuk ka pasur dëshirë që të ishte Spanja një nga ekipet në grupin e kundërshtarëve me të cilët do të përballeshim në Euro 2024.
I ftuar në emisionin “Opinion” në Tv Klan, Shulku thotë se mënyra se si e qakullon topin Spanja vë në vështirësi ekipet e mëdha të botë, por nga ana tjetër shton se Kombëtarja Shqiptare është një ekip që i ka thyer parashikimet dhe këtë mund ta bëjë dhe në përballjet në Grupin B.
Ilir Shulku: Nuk kisha dëshirë që të binte Spanja. Mënyra se si e qarkullon topin vë në vështirësi ekipet më të mëdha në botë. As ne nuk jemi ekip i lehtë në grup. Mediat tani nuk na quajnë një ekip i lehtë, ne jemi bërë një ekip i vështirë. Ne jemi një ekip që i kemi thyer parashikimet. Asnjë nuk besonte që do të kalojmë grupin e që do të dilnim të parët apo të dytët në grup dhe që do të mundnim Çekinë apo Poloninë në historikun tonë. Ajo kohë është mbyllur, ne bëjmë rezultate dhe lojëra të mira. Ndoshta mund t’iu thyejmë parashikimet dhe këtu. Ne po i prishëm punën një ekipi aty, do të thotë se jemi kandidatë për të kaluar grupin. E kam frikë Kroacinë, por nuk është ajo që ka qenë nënkampione bote. Spanja është e njëtrajtshme. Tek Kroacia janë 2-3 lojtarë që nëse nuk do të jenë në formë, ndikojnë në performacën e ekipit.
Blendi Fevziu: A është e vërtetë që ekipi ynë është më i motivuar me ekipet e mëdha?
Ilir Shulku: Po. Nëse do të luante Shqipëria me Sllovakinë, është tjetër adrenalinë që ka me ekipet e mëdha. Besoj se do të jetë përballje e mirë me Italinë.
Discussion about this post